Жаңа талаптарға сәйкес ауылдық округ әкімдері 2021 жылдан бастап алғаш рет халықтың тікелей қатысуымен сайлана бастады. Халық ауыл әкімдерін тікелей сайлау процесінен үлкен нәтижелер күтуде. Мақалада әлеуметтік сауалнама арқылы 2021 жылы жаңадан сайланған әкімдердің сайлау барысына және осыдан туындаған мәселелерге талдау жасалды. Зерттеу нәтижесі бойынша жасалған ұсынымдар ауыл әкімдерін тікелей сайлау үдерісін жетілдіріп қана қоймай, сонымен қатар жергілікті өзін-өзі басқару институтын әрі қарай дамытуға бағытталған. Зерттеу нәтижелері ауыл әкімдерін сайлаудың келесі кезеңдерін және аудандар мен облыстық маңызы бар қалалар әкімдерін сайлауды ұйымдастыруда қолданыла алады.
