ҚАЗАҚСТАННЫҢ МЕМЛЕКЕТТІК БАСҚАРУ ЖҮЙЕСІНДЕГІ ЖОБАЛЫҚ МЕНЕДЖМЕНТ ЕРЕКШЕЛІКТЕРІ

Abstract

Мақалада әлемдік тәжірибеде үздік нәтиже көрсетіп отырған қазіргі заманғы тиімді басқару тренді болып табылатын жобалық менеджмент қағидаттарын Қазақстан Республикасының басқару жүйесіне енгізу және қолдану мүмкіндіктері қарастырылған. Жобалық менеджмент шекті ресурстар (қаржы, уақыт, еңбек ресурстары, т.б.) жағдайында ерекше нәтиже алуға бағытталған уақытша кәсіпорын ретінде Қазақстанның мемлекеттік басқару секторындағы бюджет ресурстарын тиімді пайдалануды көздейді. Қазақстан Республикасы Президенті Қазақстан халқына жыл сайынғы Жолдауларында да мемлекеттік басқару жүйесінде жобалық басқаруды қолданудың маңыздылығын атап өтеді. Ғылыми мақаланы жазу барысында ғылыми зерттеудің талдау және салыстыру әдістері қолданылған. Ғылыми мақаладағы жасалған негізгі қорытындылар мен ұсыныстар жобалық менеджментті дамыту жөніндегі халықаралық стандарттарға, Қазақстан Республикасының стратегиялық құжаттары мен Заңнамаларына негізделген.